Missio Net
| Vexilla regis prodeunt Fulget crucis mysterium Quo carne carnis conditor Suspensus est patibulo. Quo vulneratus insuper Mucrone diro lanceae Ut nos lavaret crimine Manavit unda et sanguine. Impleta sunt quae concinit David fideli carmine Dicens in nationibus Regnavit a ligno Deus. Arbor decora et fulgida Ornata Regis purpura Electa digno stipite Tam sancta membra tangere. Beata, cuius brachiis Saecli pependit pretium Statera facta corporis Praedamque tulit tartari. O Crux ave, spes unica In hac triumphi gloria Auge piis justitiam Reisque dona veniam. Te summa Deus Trinitas Collaudet omnis spiritus: Quos per crucis mysterium Salvas, rege per saecula. Amen. |
Venance Fortunat (VIème siècle) - Dans le même thême
| Revenir à l'Index | Chercher |
Page générée en 0.22 secondes (11 requêtes)